傅穎狂打沙包變硬淨
傅穎（Theresa）昨晚與周秀娜（Chrissie）出席新片《熱浪球愛戰》宣傳活動，兩女更在教練指導下打沙包，有板有眼。傅穎表示在戲中有不少動作及打排球的戲份都要刻意苦練，她說：「我之前畀人感覺弱啲，依家覺得硬淨咗。（同男友練？）冇男友，係同師傅練。（羅仲謙唔係？）我戲入面係同另一個拍拖，要賣關子。（現實係羅仲謙？）唔係啦！真係冇拍拖！」
問到她可會請教周秀娜如何能有一副好身材？Theresa表示有請教過對方：「Chrissie話佢冇特別keep過，佢有腹肌我都好羨慕！」問她可怕跟Chrissie穿上排球裝時會有比較，她說：「我本身唔係肌肉型，實冇得比較，我喺戲入面會搞笑啲，可能要紮孖辮。」