JW唔吼新人獎等娶好老公
黎明花上數百萬元打造的JW，處女唱片開賣四日銷量報捷，稍後將返英國讀書的JW，在祝捷記者會上首度開腔，不過繼續玩神秘不接受訪問，至於會否角逐新人獎則由JW媽咪揸fit，黎明更打趣說：「新人獎幫唔到佢『娶』個好老公。」
JW出道後一直玩神秘，由只見其聲不見其樣，到早前的音樂會才「真身」曝光，昨日黎明為JW的新碟「Los Angeles」特別選了同名的JW酒店舉行記者會，身為女主角的JW，沒有刻意誇張造型，反而以簡單清爽的藍色西裝外套白色衫示人，而老闆黎明、監製雷頌德（Mark）及高層王凱文則變身綠葉，並由會計師公布JW新碟在七月廿九日前定單數字為27,035張。
黎明否認衞蘭失寵
JW首次面對傳媒開腔明顯一臉害羞：「多謝全部鍾意我歌嘅朋友，網上面聽我歌嘅朋友，我好快要返去讀書，希望返嚟仲可以同大家見面，thank you！」記者會後，唱片公司不設JW接受訪問，留下黎明和Mark撐場。黎明表示JW的唱片加MV到音樂會投資幾百萬元，難怪被指JW得寵衞蘭（Janice）失寵？黎明否認偏心：「每個宣傳期唔同，Janice即將紅館開個唱，大家一步一步去做。」黎明表示JW還有兩年才畢業，一年只得兩次假期，上次阿Mark飛到英國為她錄音，雖然製作費一定多，但唱片公司並非要即時回報，當歌手有知名度和有人認同，自然會有回報，黎明笑言：「唔會因為培育期就會畀少啲奶粉佢飲嘅。」講到為何不讓JW做訪問，黎明抵死說：「我同你哋相處咁耐，知你哋想問佢乜，都係問佢係咪叻過Janice啫，佢依家專心讀書要緊。」
可會讓JW角逐新人獎？黎明坦言：「同佢媽咪講過呢個問題，佢媽咪話讀書最緊要，讀好書先係報答媽咪，新人獎幫唔到佢『娶』個好老公。（唔會幫佢報名？）依家頒獎禮都百分百變咗騷，係捧自己人，佢哋有自己制度，你踩入人哋制度，等如對自己唔公平呢。（唔出席頒獎禮？）要問佢媽咪，讀書緊要呀。」
「佢告一段落嘞」
黎明表示JW放假才能返港，若時間配合會返港為Janice演唱會做嘉賓。JW豈不年底不會有新碟？黎明即抵死說：「出咁多碟做乜？最快都明年暑假。」如何獎勵JW？黎明竟謂：「佢告一段落嘞！（出完唱片冇利用價值？）佢媽咪咁講架。
」
文：音樂組