林保怡忙爆冇煮意
因工作忙碌而無機會一展廚藝的林保怡，最近演出無綫節目《星級廚房》，喜與周中碰頭，大家交流了不少入廚心得，保怡更說：「我只係炒蛋老啫，所以我即刻問周師傅，（其他餸菜都煮得好掂？）唔係話好叻，但我都識煮幾味，只不過長時間都工作，又成日唔喺香港，所以屋企人都係食我工人煮嘅餸菜。」
保怡最近中、港兩地拍劇，保怡稱內地拍劇雖然不似香港時間長，但天氣很熱，他說：「我拍外景時，企喺街幾分鐘都可以全身濕晒，氣溫可以高至四十度，幾難頂，所以熱到冇乜胃口食嘢，人都瘦啲，咪當keep fit囉，但我又愛整嘢食，有次見到商天娥，佢出名鍾意食，所以我都會問吓佢啲菜式，自己儲埋唔少心得。」