鄭希怡爆關智斌人濫

Kenny和Yumiko早前在內地拍攝電視劇《劍俠情緣》，該劇穿梭古今，又在劇中發生多角戀，Yumiko抵死地說：「佢（Kenny）個人咁濫。」Kenny則笑說：「唔好講真嘢出嚟。」他們近年中港兩邊走，甚少時間留港，問到是否適應？Kenny說：「其實都唔慣，每次去要重新適應，但啱啱適應完，套劇又差唔多拍完。（互相照應？）係呀，冇咁悶嘛。」

堅持歌唱事業

拍完劇後，Kenny和Yumiko會到當地腳底按摩店Relax，兩人愈按愈上癮，還打算再找多幾位朋友，在內地合資開設腳底按摩店，有錢齊齊賺！但Kenny表示並無忽略唱歌，他說：「因為拍劇拍咗兩、三個月，搞到延遲咗出碟，不過我唔會唔唱歌。」Yumiko亦謂：「真係冇時間，但嚟緊會擺多啲時間喺唱片，依家Planning好緊要。」

Yumiko計劃出唱片。

Yumiko近年強攻內地，狂賺人氣和人仔！

讚軒仔演技好

Kenny表示在內地拍劇期間，甚少留意本地娛樂新聞，他說：「嗰段期間，我係對香港娛樂新聞有啲Outdated，但都算耳根清淨，可以過啲簡單生活，最緊要係儲到錢。」早前張敬軒舉行舞台劇，身為好友的Kenny亦抽空捧場，他說：「佢做得幾好，我都想再做舞台劇，因為係一個好好嘅經驗。」問到會否叫公司搞舞台劇，Yumiko說：「都好喎，搞個類似『老友記』嘅舞台劇，相信會有睇頭。（你呢排新聞少咗？）唔好新聞要嚟做乜？夏天嘅新聞唔係屬於我哋嘅。」

化妝：Andy Leung＠makeup360.com.hk

飾物：Violette by Larme Violette

場地：Royal Ba

採訪：German 攝影：秦健輝