Quintus瞓樣超趣致
張栢芝日前帶同愛子Lucas及Quintus到中環歎茶，出世兩個多月的細仔Quintus首度公開見人，昨日他在Facebook再度亮相，肥肥白白的他遺傳了雙親的明星因子，人仔細細已懂得望鏡影相。身為潮B的他穿上Fake Print領呔Tee，又有足球小將造型，攬着小足球的他快將入睡，十分趣致！
另外，謝婷婷昨日接受查小欣的電台訪問，自爆首次拍戲，哥哥謝霆鋒比她更緊張，她去廣州拍戲前，霆鋒致電給她予以鼓勵：「之後我搭緊車上廣州，佢再打畀我，不停咿咿哦哦，仲話對唔住，平時唔係咁婆媽喎！我未見過阿哥咁樣，佢咁緊張我，我都忍唔住勁喊。」