偉仔撐正常：信任劉小姐

劉嘉玲和梁朝偉共度風雨逾二十年，雖然嘉玲跟不少富豪傳出緋聞，但未有影響跟偉仔的感情，兩年前更和偉仔於不丹共諧連理，但婚後常傳出嘉玲多次努力造人不成功，又常和偉仔分隔兩地。

昨日有報道刊出一張嘉玲與一名內地富豪的合照，相片中嘉玲猶如小鳥依人般從後攬着內地富豪的手臂，頭靠在對方的肩膊上，而對方的手更搭在嘉玲的大腿上。有指去年嘉玲親往內地出席該富豪旗下公司的奠基典禮活動，事後拍下此照。嘉玲所屬的經理人公司澤東昨稱有關旗下藝人的私隱不作回應。而偉仔透過澤東發言人回應：「我睇過呢啲相，覺得係正常社交，我絕對信任劉小姐。」

低胸裝湊「熱」潮

另外，嘉玲好友吳君如昨日以Lanvin低胸裝出席代言的護膚品牌COSME DECORTE專櫃開幕活動，問她是否晒事業線抗衡o靚模？君如自嘲展現的只是「地平線」：「夏天梗係背心短褲，依家太老唔可以，留番畀啲青春貌美。」

對於嘉玲的親熱照，君如即面有難色，但仍笑着說：「咁點呢？你想我點答？有時我同朋友去街都會翹住手，但我並唔代表劉嘉玲答呢個問題。（認識該富豪？）我唔識。（婚後舉動要避忌啲？）我唔會，拍戲都會有親熱戲，我會戲假情真，我真係好鍾意古天樂㗎！陳可辛都知，佢好放心。唔鍾意點投入？我同任達華食完飯都Goodbye kiss啦！」

帶女赴泰見嫲嫲

另外，君如稱女兒前晚發燒：「佢好似噴血咁噴晒啲藥出嚟，睇見都可憐。」對於曼谷發生炸彈事件，君如說：「下個月尾我會帶個女去見嫲嫲幾日，呢啲嘢防不勝防，整定。」另外，君如指陳可辛下月要到雲南拍戲，問到會否會合老公造人？她笑說：「嗰度有高山症，我驚大家唔夠氣。」

文：名人組