G.E.M.踢爆JW真身贏餐飯
黎明新寵、樂壇女新人JW，處女獻唱曝光後繼續玩神秘，網民火速進行大起底。有指她原名是Joey Wong，乃一名混血兒，目前在英國King's College留學，曾經在港參加過不少學界歌唱比賽，於○七年「Spice It Up音樂祭」中敗給G.E.M.屈居亞軍。網民都覺得她的唱腔跟衞蘭相似，不過衞蘭就略勝一籌。
同時，網上流傳JW三首在美國洛杉磯拍攝的新歌《孤單不要怕》、《今天不見人》及《敢抱未敢愛》MV，老闆娘樂基兒跟足全程，兩人在星光大道更興起跳舞，扭腰撞Pat。
曾經唱贏JW的G.E.M.昨日跟樂隊Mr.為「拉闊音樂擂台」綵排，自爆十四歲時跟JW參加聯校歌唱比賽時相識，她笑說：「一聽佢把聲就知係佢，不過之前喺MSN度問佢，佢死都唔認自己係JW，可能佢公司要佢保持神秘。我仲講笑話如果將來真係佢，要佢請食飯，佢仲話到時先算，我準備取笑佢。」
否認矮過JW
G.E.M.指JW是中國、西班牙及菲律賓混血兒，她說：「佢媽咪係西班牙同菲律賓混血兒。」G.E.M.跟JW同樣細細粒，有指JW可能比她高，G.E.M.即搞笑激動說：「好似高唔過我喎。」不過G.E.M.讚JW的新歌好聽，可擔心成為競爭對手？她說：「唔怕，大家歌路唔同。」此外，雷頌德出席另一活動時，亦對JW有讚無彈：「佢得十八歲，可以做到咁樣已經好好！」他又表示JW首張大碟已經完成製作，即將會為她打造第二張專輯，對她信心十足。
文：音樂組