舒淇一世唔再影寫真

舒淇身穿Tube Dress露出香肩和玉背出席宣傳活動。對於近期的o靚模熱潮，她自認認識各位o靚模，但細問下則只道出周秀娜和其宿敵楊穎（Angelababy）二人。問到對二人的寫真有何看法，她說：「靚呀、索呀、正呀。睇過佢哋啲相，幾靚。唔同人有唔同味道。我鍾意Angelababy着套禮服喺水入面好似美人魚；周秀娜非常之好，好健康，令男人有遐想。（佢食腸喎。）你唔食咩？」

對於被指各大o靚模寫真意淫，她說：「啲相係咁就係咁，你覺得係靚就係靚，呢啲睇你自己點睇，全部都係新聞。」

支持o靚模留倩影

舒淇表示支持o靚模拍寫真留倩影，她說：「又後生又靚女，影寫真幾好吖。對個女仔好有回憶，非常支持。」問到舒淇會否再考慮再拍寫真，她謙虛的說：「會，（幾時？）下世先啦，哈哈。（點解？）變唔番o靚模架嘞，佢哋十幾歲。下世投胎先做到o靚模。（你保持得好好。）唔好嚇親人，冇咁嘅條件。」

舒淇在台上扮作被海盜俘虜，表現投入。

舒淇在活動上與粉絲合照。

太曬容易變黑妹

此外，她表示將會到三亞拍《非誠勿擾2》，她說：「我係紫外光吸收機，到時實變黑妹。」她表示難度最高以北方口音的普通話，她說：「要畀心機學，咁嘅年紀畀人鬧好瘀。」同時她又否認拍《犀利哥傳》：「未聽過，無人接觸過。」

文：影視組