周秀娜搶攻動漫節出師不利
一年一度的動漫節即將開鑼，「宅男女神」周秀娜（Chrissie）將以遊戲代言人身份現身，但昨突傳主辦單位及警方為免她在灣仔區惹來騷動，勸喻她「絕迹」動漫節！
一連七日的書展今日閉幕，緊接而來的是本周五開波，為期五天的動漫節。Chrissie今年將繼續搶攻動漫節，出席線上遊戲《龍Online》代言、XBOX宣傳活動及為其公司攤位造勢。
被要求改時間出現
有鑑於Chrissie去年引起的旋風，昨突傳她受打壓禁止現身動漫節！代理《龍Online》的參展商Gameone昨承認收到主辦單位要求更改Chrissie現身的時間地點，市場宣傳部總經理施小姐說：「收到通知要求Chrissie改時間、地點出現，原本我哋Set好晒佢會以Cosplay代言同出席慈善拍賣活動，原定喺8月1日下晝，依家佢哋建議改為7月31日朝早十一點，仲話Chrissie唔可以喺我哋個Booth出現，要去另一指定區。」她指公司仍在商討決策。
而動漫節公關公司發言人鄧小姐就事件作出書面回覆，對於Chrissie被禁現身一事表示「查無其事」，又列出對參展商活動的建議：「如邀請高知名度人士作宣傳，建議有關活動不要在展商攤位內進行，可以安排在大會舞台、簽名區等可容納更多人的地方，以便更有效作出人群控制。」
食物慰勞工作人員
得悉有傳愛將受打壓，Chrissie經理人Roy明顯無奈，他說：「咁得意？佢哋仲要拉埋警方落水，話一個模特兒會為灣仔區帶來騷動，我為旗下模特兒能夠為社會帶來騷動感到自豪！」他又指最終出席與否會跟從參展商要求，始終代言人有責任履行工作。
至於Chrissie則寸嘴謂：「咁我住西環，喺銅鑼灣收工嘅話係咪要先兜紅隧再兜西隧返屋企？咁會增加我嘅車費囉！」Chrissie今日將於書展關門前兩小時帶同新八模踩場，買定飲品及食物慰勞攤位工作人員。
文：專案組