梁朝偉、任賢齊、舒淇等娛圈中人信奉的泰國白龍王，有傳他食蟹後不適入院，亦有傳他感冒抱恙及來港就醫。據悉，白龍王因肺氣腫而入住ICU治療。
王晶昨日在電話中說：「白龍王仲喺泰國，身體復原中，應該唔會嚟香港醫病。（佢因乜事入院？）總之係細菌啦。（嚴重到要插喉？）插喉係幫佢清痰啫。」
正身在外地為電影進行後期工作的劉偉強則說：「白龍王唔係嚟香港醫病，佢仲喺泰國。」白龍王大徒弟亦否認傳聞說：「師傅冇離開過泰國，亦唔會去香港，佢冇乜嘢，大家唔使擔心，我將啲傳聞轉述畀白龍王聽，佢聽完笑咗一笑。」