昨日呂慧儀及宋熙年出席節目《星級廚房》錄影，呂慧儀將夥拍鄭裕玲擔任今屆香港先生選舉的司儀，有指她撼贏了楊千嬅成為今屆司儀？她說：「唔好咁講，可能係佢有嘢做啫，所以先搵我！」呂慧儀又笑言今年擔任司儀比起往年擔任評判更好：「往年擔任評判太難抉擇喇，今年擔任司儀可以畀我更加專心『欣賞』比賽！（你同香港先生好有緣？）唔係，都係朋友嚟啫！」
