4anda減少夜蒲女照界
陽光男子組合4anda，身形健碩精壯，趁着炎夏，四子到海灘吸「陽」氣鬥騷肌，他們的「事業線」絕不比o靚模遜色。加入樂壇後，4anda表示會小心言行，至於會否禁女色防緋聞？4anda則說：「同女仔交往好正常。」
由Manson、Kison、Hanson和Jason組成的4anda，將於八月底推出EP，由運動員搖身一變成為組合，四子表示會以跳舞組合形象示人：「除咗跳舞外， 我哋每人都有學樂器，好似結他、鋼琴同口琴等，希望做到多元化。」
4anda身形高大健碩，充滿朝氣。日前四子到沙灘寓工作於娛樂，齊齊剝去背心鬥騷胸腹肌及「老鼠仔」，又大擺型男甫士，冧爆女粉絲。談到「事業線」與一眾o靚模有得揮，四子笑稱：「冇得比較，我哋呢啲係『桃花線』。」
齊心工作至上
四子形象健康，加入樂壇後更要謹言慎行，減少夜蒲：「除非出席朋友生日會。因為工作排得好密，我哋又要排舞同打波，真係冇乜時間去玩，寧願爭取時間休息。（變成宅男？）咁又唔會。」4anda又認為無需要禁女色以防惹緋聞：「禁女色都唔代表健康，同圈內圈外女仔交往好正常，但我哋依家冇時間拍拖，工作為先。」至於會否錯失良緣？Manson說：「一定會啦，我哋連朋友都少見。」
4anda默契十足，但會否試過吵大鑊？他們說：「我哋性格都好火爆，好勝心強，成日以為自己個idea好掂，好多時都係Jason做和事老。（不和？）咁又唔會。」
採訪：專案組
攝影：秦健輝
服裝：Quiksilver