基仔被踢爆踩林峯場
英皇一哥古巨基全新專輯《時代》銷量報捷，推出不足一星期即達白金銷量，昨日筵開五席舉行慶功宴，基仔對銷量感滿意，直言想放假休息作獎勵，他說：「最好就放三個月啦！」霍汶希聞言不禁大叫：「嘩！嚇到我眼都突埋！」問他是否放三個月籌備婚禮？基仔表示未有打算，現時正為年底推出的國語碟準備，他道：「十年放三個月就得！（結婚生仔咪可以放耐啲？）唔會為咗假期結婚生仔，咁即係本末倒置，我要好有計劃o架，不過暫時未有！」
書展期間將推出《古Sir ＩＱ王３》的基仔，屆時將不在港未能到書展踩場。問他會否到林峯演唱會踩場？原本想說「到時睇下咪知囉」的基仔，被吳雨口快快踢爆：「係呀，佢去做嘉賓嘛！」