婷婷護母：佢好開通

謝婷婷與男友安志杰昨日出席威士忌品牌The Macallan記者會，穿上露肩裙的婷婷，直言與男友同樣酒量很淺，全家最飲得是鬍鬚Kong，問到二人飲醉後會否做出失儀動作，婷婷表示沒有，她說：「有次同媽咪一齊食日本菜，Andy之前飲咗少少酒，之後佢去到食日本菜再飲清酒，跟住再去唱K，去到佢已經瞓咗。（有冇試過打人？）梗係冇啦！」

唔知栢芝官非

提到近日有傳拉姑反對孫兒Lucas太早加入娛樂圈，因而傳出她為人專橫，又形容拉姑是野蠻奶奶，婷婷聞言立即護母，她說：「佢係一個好開通嘅媽咪，仔女做任何事佢都OK，我聽到呢啲新聞好心痛，佢係全世界最明白事理嘅媽咪，但我覺得佢哋一定要搵個做衰人，Daddy做都冇人信。」

婷婷表示不清楚拉姑是否反對Lucas入娛樂圈，而自己亦冇諗這個問題。被問到栢芝是否被內地廣告商追討千萬？婷婷說：「未聽過，唔識答。」

婷婷大讚母親拉姑為人明白事理，絕非傳聞所說的野蠻奶奶。（資料圖片）

謝婷婷與安志杰拍住拖搵真銀，恩愛出席美酒品牌活動。

每日對鏡背稿

而將拍攝新片《少年李小龍》的婷婷，透露每日勤力對鏡背稿，又致電哥哥霆鋒問意見，她說：「佢一聽我把聲就知我好緊張部戲，我叫佢哋畀一星期等我warm up先嚟探班，之後點笑我都好。」

文：專案組 攝：唐豁莊