謝安琪遇地震處變不驚
台灣昨晨發生黎克特制5.2級地震，身在台灣的謝安琪（Kay）、何韻詩都感受到地震，阿Kay說：「凌晨三點幾瞓緊嘅時候，突然覺得張床勁搖，以為有啲乜事，啲燈罩都郁吓，知道係地震，維持咗半分鐘左右，一停咗我即係打畀隔籬房嘅經理人同助手，知大家都冇事就安心。」早上八時，Kay又感覺到兩次餘震，她說：「我唔係咁驚，因為之前喺台灣、日本都經歷過地震。」
阿詩則在微博留言，同樣在半夜三點左右，突然感到搖晃，即與助手對望，她幽默地說：「謝謝台北用地震來歡迎我們。」吳佩慈則表示在地震一刻，聽到外面的狗隻不停吠叫，見怪不怪的她指台灣經常地震。