徐子珊靠無綫搵新碼頭
徐子珊所簽的恒藝亞洲唱片公司突傳暫停唱片部運作，她頓變「孤兒仔」，昨日她出席在奧海城舉行的劇集《情越雙白線》宣傳，承認已收到唱片公司「重組」的消息：「其實我喺5月時已約滿，我好唔捨得，希望可以再合作。（唔願續約令公司要重組？）唔好咁講啦，我都唔想放棄，盡力而為啦。樂小姐（無綫高層樂易玲）會有安排，一切由公司傾。」
同場的李香琴不知契仔呂良偉出自傳講前妻鄺美雲，琴姐認為不宜講感情事：「可能佢寫書嗰時諗諗吓唔忿氣寫咗出嚟啦！（有傳當年你同鄺美雲不咬弦？）點會呀？我有送龍鳳鈪畀佢哋，萬梓良結婚我又有送，點知兩個都係咁（離婚）。所以我改送金牌畀苗僑偉，依家幾好吖，金牌仲平啲。」