何超儀唔知老竇入院
何超儀昨日出席景福珠寶Alain Philippe手錶記招，超儀再為該品牌任代言大使，並獲贈一隻鑲有共十卡鑽石的腕錶。超儀談到今年便是自己跟陳子聰結婚十周年，可是當記者問她幾月幾日是結婚紀念日？超儀竟搞笑地反問記者：「唔知十一月十四定十五呢？」在旁工作人員提水，她才笑言：「十一月十四日！」
何鴻燊昨日出院，問超儀有關父親的情況？她表示：「我都唔知發生咩事，（你知唔知爹哋入院？）唔知，例行檢查啩！你哋問番講嗰個啦！我唔講屋企嘢！總之，關心嘅嘢在心中，唔會吓吓喺記者面前晒。（係咪有人講得太多嘢？）唔係，呢個世界有言論自由。（會唔會覺得太自由？）呢啲要問政府，喺搖滾嘅角度，再free啲都仲得，裸跑我都接受到！」
電影《維多利亞壹號》最近獲邀參加多個影展，包括釜山電影節以及倫敦電影節，但可惜超儀要工作當中包括與余文樂、徐熙媛合作電影《車手》，所以未能前往。
有此一著
超儀一頭埃及妖后髮型，配以淺啡色Burberry連身裙喱士袖，裙上有刺繡圖案，鞋子則穿上Lavin高跟鞋，可謂大方得體；而超儀所佩戴之鑽飾，則是景福珠寶為《維多利亞壹號》首映禮而打造的鎖匙形鑽石吊墜。