諸葛梓岐多多錢都唔脫

書展寫真戰每年都是o靚模必爭之地，可是自稱是諸葛亮後人的Marie從來未有參戰。表面看來Marie不想打必敗之仗，但原來她入行前，已與家人約法三章，嚴禁在任何場合意圖或企圖穿三點式示人。

應承父母

Marie說：「唉！着比堅尼一定唔使旨意！因為我入行前應承爹哋媽咪唔可以咁做，佢哋對我尺度好嚴謹，一定唔會畀我亂嚟。如果我唔聽佢哋話，我就要絕迹呢行，所以我要承諾負責任。」是否多多錢都不脫？向來不需憂柴憂米的她說：「唔關錢事啦，錢只係小事，多多錢我都冇可能脫，呢個係我做人嘅原則。」

Marie一出道就被定為o靚模，但所做的事又與愛脫的o靚模背道而馳，問到是否需要平反？她說：「唔使平反啦！做藝人都係想娛樂大家，大家話我係o靚模即係覺得我後生，仲開心。其實我冇得同o靚模比較，佢哋要出寫真，公司冇話要出，我諗自己做嘅嘢會比佢哋多少少。」

衝出香港

無可否認，Marie的工作範圍比o靚模多，除了與周秀娜及Angelababy有份到日本發展，她更將會打入台灣及大陸市場：「我真係想做多啲嘢，例如拍戲、唱歌、做主持。其實台灣都有製作人搵緊我，大陸都係。」

文：專案組　攝：吳文聰