劉璇禁拍拖暗戀頂癮
劉璇由國家體操隊成員搖身一變成為歌手，昨日到電台宣傳新歌《往事剪接手》，她說：「依家係新開始，都想剪走以前唔開心嘅事。」問到劉璇曾否受過情傷，她憶述當運動員時教練嚴謹，下令不許拍拖：「都幾慘，試過想開始被發現話唔可以，都有偷偷鍾意人，（想過為拍拖放棄體操？）又冇試過，嗰陣教練都畀幾大壓力，不過依家都好咗喇，以前我嘅戀愛唔屬於自己，係國家嘅。」
問到劉璇現在感情狀況，她說：「有鍾意嘅人，但大家都好忙，其實自己有諗過25歲結婚生BB，不過都過咗，唔知幾時有機會，睇緣分啦，公司冇反對拍拖，（向對方表白？）佢都唔想我表白，自己係個被動嘅人，（會閃電結婚？）以我性格都可能會！」