千嬅開騷唔預子高
楊千嬅、謝安琪（Kay）、陳潔靈等昨晚演出紅館騷，千嬅穿Sportmax裙襯LV鞋登場，對於有傳丁子高要求在千嬅的演唱會上合唱，她笑說：「rundown都未定，不如演唱會叫Lady And Gentleman啦，唔係雜誌寫都唔知佢有市場，不過估老公唔肯上台。」千嬅除踢爆老公是咪霸外，還埋怨說：「佢次次唱歌都好鍾意話你邊度唱得唔好，兩夫婦最棹忌呢樣，撞鬼佢。」另千嬅亦否認花3萬抽脂。
而丁子高昨日出席活動時亦否認：「我點會要求啲咁無謂嘅嘢。（想唔想同千嬅合唱？）唔會唔希望囉，如果佢想我都會做，最緊要老婆開心。」
此外，Kay昨晚獻唱古典中國風味歌曲，她說：「今晚觀眾並唔係平時嗰一群，層面廣闊咗，要把握機會唱好啲。」對於囝囝張瞻日前在林海峰的電台節目開咪，Kay笑說：「唔算，佢好奇。」