汪圓圓擇偶以甄子丹做準則
甄子丹姨仔汪圓圓昨日出席活動時，被問到早前被影到有富家子接送而傳出戀情一事，她聽罷立刻否認，聲稱與對方是朋友，笑言有追求者亦很正常：「我好多朋友都會接我，但有人接都唔代表係拍拖。（係咪追你先？）就算我有追求者都好正常，不過我覺得應該唔係囉！（男仔接送會否加分？）都會，不過親自接會好啲，如果叫司機接就差啲！」
至於擇偶條件，圓圓坦言要對方心地好外，還要對家人好：「我個姐夫好好，我一定會將佢哋比較，所以我擇偶都要以我姐夫為準則，要佢咁好先得，如果我將來嫁唔出就會怪姐夫呀！」