劉欣宜寸爆Carol同Cup不同級
含冰出位的「浸大E神」楊梓瑤（Carol）和「E Cup Baby」劉欣宜相當有緣，撞「Cup」數、撞「浴照」之餘，連泳衣都撞埋同一款，十足一對「暴乳Twins」。對於「後輩」逼到埋身，胸口和自信同樣爆棚的E Cup Baby冷嘲沒放Carol在眼內。
儘管書展禁令打亂宣傳部署，不過各大小o靚模依然不敢怠慢，瞓身搶鏡。新崛起的Carol因在寫集中大擺令人想入非非的性感甫士，成功出位，但因其「峰」芒太露，引來其他o靚模圍剿，不過你有你罵，Carol在宣傳海報上躺在沙灘上打出身價波，要令批評者收口。而和Carol同「Cup」不同輩的E Cup Baby，眼見Carol「來勢胸胸」，也忍不住加把利嘴狂寸Carol。
寸嘴狂踩後輩
將於七月尾推出寫真+EP及DVD的E Cup Baby，當中一件黑底白點三點式泳衣，竟和Carol早前為本報拍攝專訪的泳衣同款。E Cup Baby對此說：「唔同人着，都有唔同嘅感覺，我好自信，唔怕有比較。」
問她可和Carol認識？E Cup Baby稱早在兩年前已和對方同場做動漫女郎，但沒有留意對方：「當時我已經係『Ｃ１』女郎，好多人圍住我，我好專注工作，忙做訪問，冇留意其他人。」似暗指自己兩年前已成名，二人級數無法相比。
E Cup Baby也沒留意Carol的含冰寫真，問她可會效法？她再寸嘴說：「梗係唔會啦，我熱會撥扇、開冷氣，我諗佢個嘴損咗所以含冰啦，我本寫真好健康。」不過在她的DVD中，卻有不少胸部大特寫的鏡頭，是否如她口中所說「只係正常生活嘢」，則見仁見智。
尊重網民意見
說到網民發起「趕走o靚模 人人有責」，E Cup Baby謂會尊重主辦商決定及網民意見，但她相信這只是一小撮網民的激進行為，應不會影響支持者。
對於E Cup Baby冷嘲熱諷，Carol說：「我係剛剛開始，所以冇特別同佢比較。」此外，Carol昨晚出席英皇電影《鎗王之王》首映，對成為眾矢之的，Carol說：「我唔想幫人哋宣傳，係有啲唔開心，第一次出寫真就冇得搞簽名會，依家物色緊場地，同諗緊有咩Gimmick突圍。」
楊梓瑤Vs劉欣宜
姓名：楊梓瑤（Carol）
綽號：浸大E神
三圍：34E、24、33
年齡：22歲
學歷：浸大人文系2年級
姓名：劉欣宜（Miyoko）
綽號：E Cup Baby
三圍：34E、25、35
年齡：21歲
學歷：沙田IVE設計文憑畢業
文：音樂組