Jessica C.晒廣東話字正腔圓
警鐘胸女模Jessica C.來港發展時間尚短，但自言已掌握到說廣東話的竅門，昨日即場在記者面前大晒「早晨」、「你好」和「唔該晒」，說話字正腔圓，肯學肯做的她，難怪如此襟撈。
Jessica昨日以橙紅色Tube Dress出席Envirosax環保袋發布會暨電影欣賞會，她透露剛與男友從芝加哥回港，並在當地物色新居置業，但仍未有着落，因為選擇太多。提到環保，她自認是環保分子，她說：「我覺得環保係一個大趨勢，我平時都會買有機食物，我連指甲油都係有機㗎！」
闖影圈接受挑戰
此外，談到工作，Jessica表示下月便開始拍攝電影，她在戲中要打排球外，還要講廣東話，對她來說是一大挑戰，她坦言：「我識聽少少，只係識講幾句簡單嘅廣東話，因為平時都無乜機會講。」她即場示範「早晨」、「你好」、「唔該晒」等廣東話，問她會否覺得很難？她笑言：「以前無諗過會識講，但嚟咗香港咁耐，學起嚟會比較易。（有冇練習排球？）我12歲之後已經無掂過排球，不過呢個係唔錯嘅運動，仲可以保持身形苗條。」
文：名人組