3熱門倒灶 天明舊愛Out

JuJu可謂百足咁多爪，她坦言無緣跟無綫合作，全是timing問題，亦會以平常心對待。問她今次大熱倒灶是否太高調所致？她說：「可能啦！（感可惜？）唔會，我有其他嘢做。（入唔到圍做起嘢上嚟更方便？）咁又唔係，港姐title都好重要，因為係代表香港。」於娛樂圈甚活躍的她表示六月十七日會推出其新書，七月又會推出EP，八至十月，則會參與電影演出，此外，七月中她又會到牙買加為選美活動加冕。