薛凱琪情困失眠急換枕頭

見記者變臉

未知Fiona是否因情傷徹夜難眠，日前於銅鑼灣出席活動後，即與兩名公司同事到附近百貨公司選購枕頭。甫進店內，Fiona即往七樓的床上用品部掃貨，期間見她先往揀選大毛巾，之後再挑選各式各樣的枕頭。期間見Fiona拎起一個大枕「凌空」試枕，又不時向店員詢問質料及價錢，但似乎不合心水。未幾她又睇中一個舒適枕，更將枕頭放在床上，懶理儀態及藝人身份瞓上床試枕，瞓足幾分鐘才願起身，之後店員再拿出另一款枕頭給她，Fiona亦毫不客氣攤上床試。試完一輪，她起身整理衣服及頭髮，當發現記者拍照後，她即一臉愕然，並急急往付款極速走人。離開時Fiona見避不過記者，突然玩變臉擘大口喪笑任影唔嬲，之後乘七人車返回九龍塘寓所。

文、攝：追蹤組

放大圖片	放大圖片	Fiona找到合心水的枕頭，即放在床上試枕。