菲版謝婷婷鋪路入娛圈
新一屆入圍港姐大熱「菲版謝婷婷」陳鈺芸（JuJu），未開始選美，便自行安排了一連串工作增加曝光率，包括為環保非政府組織Heroes2擔任親善大使，六月中又出勵志書，八月又拍電影與周秀娜鬥性感，入娛圈之路已成功一半。
有自己製作公司
JuJu未選港姐已是娛樂版常客，她「百足咁多爪」，問她可擔心未能履行即將參選之港姐職務，包括外景拍攝和集訓？有晒計劃的JuJu稱並不擔心，因為她已安排妥當，如果成功入圍港姐，六、七兩個月的選美時期，她亦自信可以應付得來。
JuJu說：「六月中出嘅勵志書《美麗是活出來》已經寫完，做Heroes2親善大使工作唔會太忙，早前已返內地出席植樹活動，而電影《熱浪求愛戰》，如果真係演出，要八月先拍，（出書、做親善大使無綫知道嗎？）我面試時已向無綫匯報，佢哋知道晒，（有信心入圍？）都有嘅，但詳情留畀無綫公布啦！（電影會唔會性感？）我會着三點式泳衣，但係健康嘅性感，我仲會有打功夫場面，其實我自己都開製作公司，有好多工作籌備中，我希望可以做到一個全能藝人，甚至自編自導自演一套電影。」
文：影視組