黃宗澤派「銀紙」歌迷勁搶
黃宗澤前晚到旺角為新碟《bravo》造勢，吸引逾百歌迷圍觀，為配合新歌《千金亂散》，他在街頭派發印有其肖像的道具銀紙，歌迷為一親香「澤」紛紛爭奪，場面混亂。
早前曾承諾銷量達十五萬便露股的他，獲歌迷即場狂掃三百張唱片，記者笑指他要賣十五萬才露股有欠誠意，他笑謂：「唔係，不過十五萬元就平咗少少，依家第一批出咗一萬隻，仲有好多步先行到入影樓！」緋聞女友胡杏兒是否已買碟支持？他笑言：「佢咁有錢，最少要買五十張啦！（可能佢唔想你露，所以唔買？）股呢家嘢靚又唔怕露呀，佢露背我都好贊成！（露前面？）呢個係尺度問題！」
黃宗澤並謂考慮如銷量達一萬五千張，就將早前為唱片拍的露點相曝光：「之前因為合約同廣告問題，無綫唔想出我嘅露點相，如果有萬五張就考慮吓出番啦！」