澄清新歌冇走音 千嬅再錄開心版
楊千嬅過檔華星後的頭炮歌曲《飲酒思源》，因錄音時撞正她哮喘復發，唱到高音位竟飄游在走音邊緣，千嬅決重新灌錄一個完美版本，並已於前日派電台宣傳，千嬅在電話中透露：「尾段嘅副歌係同個六歲小朋友合唱，兩個版本編曲同感覺都完全唔同，個人版感覺比較sad，合唱版用咗第二個方法去演繹，出嚟效果正面、開心啲。其實陳輝陽（作曲兼監製）錄完第一版已構思新版，咪做多個remix版囉。」她強調沒有收回舊版本這回事，兩個版本都會收錄在新碟中：「已經潑咗出去嘅水點會收番。」
陳輝陽亦特別自錄彈琴片段為千嬅疑似走音澄清，強調是特別將「嗰粒音」升key，成為新曲奧妙之處。