年前轉向內地做木材生意的黃光亮，懷疑被同樣搞木材生意的親戚拖落水，被指欠債纍纍，昨內地有消息指黃光亮經營的木材公司拖欠兩年貸款，涉及金額約八百二十萬元，記者就此事求證黃光亮，他表示：「我依家搵緊律師處理，嗰間木材公司唔係我搞，係我親戚搞，我同佢只係有生意上嘅來往，可能因為我係公眾人物嘅關係，所以啲債主諗住咁樣做（指公開事件），等我去叫親戚還錢，我都有叫啲債主報警，但佢哋又唔肯，仲話要嚟我香港公司門口拉橫額，我都無符。」
