梁靖琪開催事業 啜爆羅仲謙
梁靖琪（Toby）為自己的婚禮服務公司而狂騷「事業線」，谷咪咪影婚紗相做生招牌，更找來陽光男孩羅仲謙做新郎，一齊「啜爆」演出。這輯照片反應理想，反映Toby事業發展與其「事業線」形成正比。
Toby籌劃的Wedding Planner最近發掘新景點，以其一直夢想的空中婚禮作構思。因此，Toby最近與「昂坪360」合作，在東涌及大佛等地取景，還破天荒於吊在半空的吊車上註冊，舉行空中婚禮。
喜歡成熟男士
日前，Toby與羅仲謙在昂坪新景點拍婚紗宣傳照，二人拍咀嘴相時毫無避忌，表現親暱，攝影師亦大讚他們有默契。其中一張二人依傍着的合照，謙仔的手更放在Toby胸前，難得女方不介意。
原來Toby與謙仔早前拍劇集《團圓》時飾演戀人，亦拍過激咀戲，所以今次拍「啜爆」婚紗照駕輕就熟。她說：「唯一謙仔喺拍攝初期有少少怕醜，我咪同佢傾吓偈，輔導吓佢。（有冇戲假情真？）我鍾意成熟男仔，我大佢一年架，只係好friend啫！（酬勞係咪友情價？）佢好hit架，理想價啦！」 文：影視組