江若琳冇心機 鍵鋒扮嘢氹開心
陳鍵鋒與江若琳因合作新劇鬧緋聞，不過並未因此影響拍攝情緒。日前二人拍攝新劇時，明知有記者在場，但依然毫不避忌，鍵鋒更不時逗江若琳發笑，足見二人感情要好。
新鮮出爐緋聞男女陳鍵鋒與江若琳（Elanne），日前為劇集《洪武三十二》於九龍城某公園開工，同場還有梁嘉琪等。由於當日天氣悶熱，加上近日Elanne忙於拍劇、排舞及練歌，休息時間不足，以致疲態盡現。
幸好鍵鋒未因緋聞而疏遠Elanne，反而經常在旁為她「打氣」。除了不時手舞足蹈撩她閒談，更捧着肚皮扮大肚婆的趣怪動作，最終成功博得紅顏一笑，對Elanne照顧有加。
稱兄道弟
事後Elanne接受訪問時，否認與鍵鋒拍劇「撻着」，更笑言二人合作絕無半點尷尬。她說：「大家都知道唔係真架啦！而且大家都係好兄弟！」在旁的嘉琪亦幫口表示：「我都唔覺得佢哋有咩，我哋三個由拍《學警》開始已經熟落，大家感情不嬲好好。」
另外，首次拍古裝劇的Elanne，雖然笑言不辛苦，但拍攝期間卻非常論盡，經常不知如何處置長至幾乎拖地的手袖，十分搞笑。
文：影視組