Angelababy自認花心愛靚仔
Angelababy昨日出席Maison Gilfy時裝店開幕，同場還有師妹陳詩雅及兩位日本模特兒中野唯花及近藤里美。Baby被問520網絡情人節，會否向網友表示？她說：「我會同佢哋講『I Love You』。（包唔包埋黃曉明？）我係同網上fans講。（有好多男朋友？）咁我真係花心Baby，不過我本身唔花心。」對於揀男友會鍾意有錢或靚仔，她說：「我一定鍾意靚仔，我肯定。（若兩樣都有呢？）咁就Perfect。」緋聞男友黃曉明完全能成為她的理想對象。至於若對方離婚或有仔女會否介意，她謂最重要兩人一齊夾。
Baby又透露將會拍戲，但未能透露詳情，被問到與黃曉明合作好唔好，她說：「當然好，如果有機會，我都想。（覺得佢演技係咪好好？）我唔知點講好，如果我咁講，又會被人話我炒作新聞，我依家最驚畀人咁講我。」另外，Baby早前接受有線娛樂台陸浩明訪問時表示，不能接受男友講大話，未知是否另有所指。
