三J鼎立JM醜化JW
黎明最近揼本力捧神秘新人JW，惹起外間不少揣測。昨日JM接受電台訪問時大談JW，踢爆最近有雜誌所謂公開JW「真面目」實非其本人，她說：「嗰個根本唔係我朋友，唔係佢（JW），我見到都覺得好疑惑，我哋係入Camp識，唔係同學，都有十年冇見。」JM力撐舊相識，透露對方正於外國考試，於節目中又畫出「抽象JW圖」，卻被主持人取笑JW貌似男人。
此外，有指黎明有意以JW打沉衞蘭（Janice），衞蘭前晚出席活動說：「唔想再理呢啲新聞，明顯唔係真，大家係一家人，冇話邊個鬥邊個。（有壓力？）唔會，只會專注自己新碟、電影同演唱會。」至於妹妹衞詩前度男友關楚耀經歷毒案後復出，衞蘭就戥對方高興，衞詩則從信仰得到滿足，復出與否由天定。
