Lynn放膽增高6吋

郭富城緋聞女友熊黛林(Lynn)昨晚以一身Dior豹紋連身裙,腳踏六吋高跟鞋出席Dior酒會,入場時需助手攙扶,她說:「條裙我有打底,對鞋就高到差啲失重心!(係咪城城唔喺身邊而着得咁高?)只係着高跟鞋行起上嚟靚啲!」被問到電影《葉問2》的票房時,Lynn對票房有信心:「我等緊老闆請食飯!佢希望收三億。(叫城城睇?)佢都唔喺香港。」

另外,甄子丹、洪金寶和Lynn等主演的《葉問2》,昨日才正式開畫,但單計四月廿八日七點半、九點半的優先場,票房已直逼一百萬,成績斐然,不少戲迷更大讚甄子丹與洪金寶的圓枱對決場口。對於影片叫好叫座,東方電影發言人羅小姐稱:「證明咗第二集無比第一集遜色,我哋好有信心可以衝破《葉問》二千幾萬票房紀錄。」