近日Angelababy和「海綿蛋糕」黃曉明的緋聞甚囂塵上,有傳陳偉霆(William)在錄音室內邊唱邊流淚,前晚他出席活動,一臉鬱鬱寡歡,但他否認因失戀所致,只是出碟一波多折而已,原本二月推出卻延至今個月,又謂現在應該開心才是:「係喺錄音室喊,因為收到《大峽谷》嘅歌詞時好驚訝,好代表自己,搞到唔敢入錄音室,不過我都講過怕會對號入座。(邊句歌詞最觸動你?)好touch係 『年齡尚太細,人何妨再走一圈』呢句,呢首係感情治療歌,當遇到感情問題唔好睇得咁重,年紀細時失戀,其實仲有好多機會,大家可以放低啲。」他表示此歌對自己亦起治療作用,希望有需要治療的朋友都可以聽呢首歌。