陳敏之睇中馬德鐘放心親熱

現在已公認為型男的馬德鐘，想不到年少時卻是薯嘜戇男，求戀時常碰釘，他說：「以前都有試過三角關係，不過，次次都係我輸嘅，因為以前外形好瘦削、又細膽，最緊要係講嘢唔得，唔識氹女仔，所以女友都係畀人撬走，好在入咗行之後，人成熟咗，慢慢改善咗講嘢。」

陳敏之則追求簡單關係，決不會讓自己陷入三角戀，她說：「以前有個男朋友識咗第二個女仔，畀我知道咗，我即刻飛咗佢。」

陳敏之與馬德鐘老友鬼鬼，開工默契十足。

放大圖片

馬德鐘錫老婆

現時單身的陳敏之首要擇偶條件是專一，陳敏之指在旁的馬德鐘正是她心目中的「樣辦」，她說：「好似阿Joe咁就最好喇，有上進心、又顧家，對老婆又細心，你有冇見過男人會幫老婆整頭髮呀，阿Joe好叻㗎。」

劇中扮演情侶的馬德鐘與陳敏之有不少親熱戲，本身十分老友的兩人會否尷尬？陳敏之說：「唔會，反而事前唔使特登去溝通，好放心，因為有默契，拍起上嚟好自然。」

採訪：影視組 攝影：劉智源

馬德鐘服裝：Zadig & Voltaire

陳敏之服裝：iijin

化妝：Vena@Beauty Tech

髮型：Marco@Hip