鄧健泓撐恩師罷睇詹瑞文
被捲入涉貪事件的陳志雲近日未理會傳媒追訪，繼續出巡與好友飯聚及處理私人事務，昨日便有一架相信載着陳志雲的保母車從其寓所向內地進發，殺出香港，獲好友支持的他生活果然精彩。
昨午約五時，多名陳志雲現居的大廈保安湧上閘前，未幾一輛掛有內地車牌的保母車駛出，全程拉上窗簾，疑陳總換上另一架保母車再度出巡。保母車起初駛向皇崗方向，再帶記者遊走沙田、吐露港後，突然轉軚向元朗、屯門進發，約一小時後才由落馬洲過關北上，行蹤神秘。
老孫否認寸爆嘴
另外，日前與陳志雲飯聚的好友孫耀威（Eric）、鄧健泓及陳敏之昨日分別現身不同場合，Eric早前於網上提到「真的假不了，假的真不了」被指寸爆陳志雲，他解釋說：「唔係寸，只係覺得句說話好啱。早兩日先一齊食飯，佢狀況好好，仲研究狗仔隊點追訪。」Eric形容陳志雲為港人重要icon，連他如何面對事件亦會影響港人，自己則會繼續支持對方，並計劃日內相約林以諾牧師一同見面。
鄧健泓昨帶同兩愛犬現身電台受訪，對於詹瑞文以其恩師陳志雲涉貪事件開騷，他斷言不會捧場：「詹瑞文不嬲以時事取材，（抽水？）每人有唔同諗法同做法，最重要係互相尊重。之前都有睇過詹瑞文嘅ＤＶＤ，不過如果以呢件事（涉貪事件）做題材，我冇興趣。」至於飯聚當晚，鄧健泓表示完成無綫節目《勁歌金曲》就赴約，是否由陳志雲邀請？他說：「唔太清楚，係張敬軒同Eric約，佢好開心，仲取笑我畀女飛。」有傳將被踢出《勁歌》，鄧健泓就言暫時未有收到通知。
陳敏之感激提攜
出席新劇宣傳的陳敏之稱晚飯只屬朋友聚會：「平日食飯我哋都唔講公事，見佢（陳志雲）開心番都好安樂，冇話邊個主動約。」雖然事件仍未平息，但陳敏之情義行先照樣赴約，又稱與陳志雲亦師亦友，一切「在心中」：「佢畀咗好多機會我，做司儀嗰陣都經常向佢請教。知佢有事都好唔安樂，難得有高層可以同職員咁親近。」
此外，前日陳志雲出席旅遊發展局例會，身為主席的田北俊昨日出席活動時謂他表示局方有既定守則，由於陳志雲案件仍在調查，現時仍符合條件，他們亦曾與政府商討，認為陳志雲仍適合以個人身份繼續出席。
文：影視組