林莉唔做未婚媽媽

林莉與幾位小小模特兒昨日一起為「EMax春夏童裝花生騷」行騷，她自言很喜歡小朋友，更有一套與小朋友相處方法，故很受小朋友歡迎，曾試過在街上，被一位小妹妹攬實隻腳不放，令小妹妹的爸爸極為尷尬。

林莉與小朋友一齊行騷。
林莉與小朋友一齊行騷。

問林莉可有想過生小孩，她卻耍手擰頭說：「冇諗呀，連結婚都未諗。（未婚懷孕？）應該唔會喇，我希望小朋友可以有個完整嘅家庭。（唔擔心做高齡產婦？）我覺得都係應該諗咗結婚先，（可能有意外呢？）唔會咁唔好彩啩？不過我依家冇男朋友，都唔會有呢啲。（性行為？）唔講呢啲喇，就算有都好正常，總之我依家冇拍拖！」