寸嘴評判Simon Cowell憑美國新秀歌唱比賽真人騷節目《一夜成名》成功上位，他完成今季節目後便會離開，日前終於承認訂婚的Simon早前就接受本報獨家訪問，詳談臨別的感受。
自Simon宣布離開逢星期三及四晚在Star World頻道播映的《一》後，不少傳媒紛紛推測會由誰取替Simon的評判位置，當中有人提議邀請英國著名樂隊Oasis前主音Noel Gallagher擔任。對此，跟Noel同鄉的Simon發揮寸嘴本色反問記者：「你認為觀眾會明白佢講嘢咩？不過對監製嚟講係好事，因為佢哋唔怕冇候選人。但其實搵明星做最困難就係要夾時間，因為需要好長時間去做，一定要搵一啲能夠付出時間嘅人。」
除Noel以外，同樣出名寸嘴的名DJ斯特恩及八卦新聞網blog主Perez Hilton亦傳出角逐《一》評判一職，Simon直言有聽過斯特恩接替做評判的傳聞，而他相信好快會有監製與對方斟洽。至於Perez，Simon表示如果Perez做評判會好好笑，皆因他對音樂有品味及具個性。
為送別Simon，Katy Perry、Victoria及Mary J. Blidge等女歌手先後亮相節目作客席評判，Simon揚言想邀請Lady GaGa跟他拍檔，更大讚對方夠分量及聰明。對於外界指Simon不能被代替，他坦承好開心：「我相信到完結嗰陣我會傷感，但受歡迎總好過唔受歡迎。」
外界對Simon離開 《一》傳聞滿天飛，有指他與今季新加盟的女同志名嘴艾倫迪珍妮絲鬧不和，對此Simon作出否認，但坦言不太了解艾倫：「其實擔任荷里活選拔面試評判相當困難，我聽過有傳聞指我因為遲到一個小時，艾倫唔等我就開始面試，但實情係我因為要出席《一》嘅記者會遲咗15至20分鐘，佢哋冇等我就開始錄影，但呢件事絕對唔會構成任何問題。」
文：外娛組