周子駒做主持勝在夠薑
經常擔任活動及大型品牌發布會司儀的周子駒（Cyrus），不經不覺已入行十年。由做VJ、DJ、拍劇、拍戲及拍廣告，至近年主攻做MC，Cyrus瓣數多多。
而Cyrus與楊愛瑾（Miki）於J2台主持的節目《愛情研究院》，反應理想，問到是否成為愛情專家？他笑稱：「可能我講嘢幾夠薑，冇乜偶像包袱，所以乜都夠膽講。」至於Miki的表現如何？Cyrus大讚：「佢愈做愈稱職，由最初生硬，變到依家好上手，我鍾意佢夠真，同好自然，加上又玩得，我哋合作得幾好。」談到最欣賞的主持人，Cyrus毫不猶豫說：「嘟姐（鄭裕玲），我同佢合作過，學咗好多嘢，而且嘟姐資歷深，啲人對佢好尊重。」另外，Cyrus透露最近愛上寫Blog，他說：「之前唔鍾意寫，但依家知道唔寫都幾蝕底。」