陳霽平晒腰8粒鐘凍到震
陳霽平早前為運動用品拍攝新一輯廣告，在寒冷天氣下，穿上露腰運動服的她，在沙灘「食風」八粒鐘，凍到震騰騰！為今次廣告當策劃的她，笑言有意搞電視節目，更直言考慮跟醫生男友趙式言搞醫療節目。
陳霽平（Maria）已連續多年為某品牌運動器材拍攝廣告，而今次於新一輯廣告中，Maria需要在多個地方不停踩單車，問Maria有冇踩到腳軟？她表示：「都有少少，不過最難忘都係拍沙灘景，因為拍攝當日相當凍，我着嘅運動服又比較性感，所以都幾辛苦，一cut機都要即刻着番件外套，（有冇凍親？）好彩我不嬲都幾健康，所以冇乜事。」
為廣告keep fit
要穿性感服拍廣告，問Maria拍攝前有沒有特別keep fit以最佳狀態示人？她表示：「有呀，我拍之前兩個禮拜，都有勁踩健身單車，因為廣告商都送咗部畀我，（你有冇送部畀男友趙式言呀？）冇呀，佢咁瘦，等佢中年發福先啦！」
包辦場景服裝
Maria今次除了任廣告女主角外，還為該廣告擔任策劃，無論場景、自己的服裝、髮型設計都是Maria一手包辦，Maria直言一直都很喜歡幕前與幕後的工作，還對電視節目創作很有興趣，記者問她可有考慮跟醫生男友趙式言合作搞醫療節目？她笑言：「呢個都係幾好嘅提議，可以考慮喎。」
文：影視組