馮曦妤榮幸邀林夕填詞
唱作女歌手馮曦妤（Fiona）因翻唱陽光檸檬茶廣告歌而為人認知，她透露最近忙於籌備新專輯，她說：「因為對上一張已經係前年嘅事，自己都心急。」Fiona透露今次會有自己作品，亦邀來大師級的林夕替她寫詞，令Fiona感到榮幸：「林夕啲詞好有意思，令人感動。」
Fiona愛寫勵志歌詞，她說：「最近寫咗首《細細個》，係好耐之前寫落，內容係講大個咗好想返童年，細個真係無憂無慮。（最鍾意邊首勵志歌？）周杰倫嘅《稻香》。」問到會否渴望得到唱作女歌手獎項？她謙稱：「冇諗過，反而諗過計劃開音樂會。」
Fiona直言自從翻唱該廣告歌後，工作量大增，她說：「首歌令好多人認識我，多咗好多工作，所以我會努力寫多啲好歌。（賺多咗？）都係嘅。」
髮型及場地：Keith＠P.O.P Hairdressing