陶大宇火併神奇小子
師奶殺手陶大宇繼去年代表所屬桌球會，出戰公開賽取得冠軍後，近日秘密練兵，更相約香港桌球界神奇小子傅家俊（Marco）練波，桌球高手在前難得大宇表現淡定，更與對方互set士碌架，救波比入波更見精彩，名副其實的高手過招。
大宇與Marco雙方來回互set士碌架達四、五次，緊張程度比入波猶有過之，盡展英式桌球魅力。
好佩服傅家俊
大宇賽後說他與傅家俊其實早已砌磋過：「記得初初喺個桌球名人邀請賽識Marco，當時我同佢對賽，我第一Ｑ已經miss，嗰次真係瘀，但Marco叫我唔使緊張，仲畀我再開過，算係讓賽o架嘞。」
自此大宇跟Marco變得熟落，間中約食飯打波，大宇說：「我好服佢，成日飛來飛去打比賽，要克服jet lag（時差感），仲要打出好成績，好唔容易。」
讚大宇有實力
對於被指讓賽，傅家俊連聲否認：「我絕對冇，鍾意打波嘅人唔會鍾意讓Ｑ，因為無論比賽定練習，都應該keep住精神，要認真去打，唔可以求其。其實大宇喺藝人當中算打得好好，絕對有實力參加公開賽，唯一要注意嘅係可能做藝人影響咗練習時間，但桌球好講究穩定性，一個細微動作做得唔夠，都會影響打出嚟嘅效果，除此之外，大宇嘅基本功都已經好好。」
文：影視組 攝：司徒國榮
場地：CUE & CUE SNOOKER CLUB