方皓玟瞓覺除bra不留痕
唱作歌手方皓玟（Charmaine）轉公司即改變形象，以性感形象攻樂壇，尋求突破。她自爆早前為拍攝性感照片，刻意不戴bra睡覺，因為不想身上留有bra「痕」！
出道八年的Charmaine，雖然努力唱歌作曲，可惜在樂壇成績平平無奇。離開舊公司轉投新經理人後，她把心一橫，將過往男仔頭形象拋開，轉玩性感形象引人注意，希望再吸引大家聽她的歌，認真用心良苦。
周身唔聚財
早前Charmaine為新歌宣傳拍了一輯性感相，除大晒玉背，又僅用一塊布遮掩前胸。為了效果完美，Charmaine拍攝前一晚刻意不戴bra睡覺。她說：「因為唔想有bra帶印，細個媽咪已經教我瞓覺一定要戴bra，嗰晚冇戴覺得周身唔聚財。」
好嘢唔怕露
拍攝當日Charmaine亦是真空上陣，她說：「我冇戴bra，不過有黐乳貼，影出嚟靚啲。（係咪轉行性感？）自己覺得有好嘢同大家分享冇所謂，肥咗就要收埋。（滿唔滿意身材？）OK，雖然冇周秀娜咁勁，但都叫正常，不過如果可以高多幾吋就最好，哈哈！（拍攝前有冇做美肌？）平時好少做背部護理，腳反而多啲，自己都好想試吓磨腳皮，女仔皮膚好重要。」
文：音樂組