謝文雅專業睡房製造噪音
唱作歌手謝文雅（Casey）的房間可用「麻雀雖小，五臟俱全」來形容，由於工作性質有關音樂創作，她經常要用到一些音樂器材如電子琴、混音器、企咪及大喇叭等等，而這一切都可在其房間找到，但Casey笑言這安排並非她熱愛工作，只是迫不得已：「最理想梗係工作還工作嘅地方，瞓覺還瞓覺嘅地方啦！擺成套裝備喺度連瞓都瞓得唔好。」
問到她可有打算換大屋？現跟家人同住的Casey表示：「都有諗過搬出去住唐樓，因為地方大啲，可以做好啲隔音，我喺屋企做音樂時成日畀媽咪話我嘈到隔籬！」
見到Casey的床頭放滿多隻「唐老鴨」，她表示：「唐老鴨係我最愛嘅卡通人物，喺床上面陪我瞓嗰隻最有意義，係大學畢業時一班同學送畀我嘅，好感動！」