曾拍攝電視劇《男兒本色》的寰宇新人徐正曦，早前趁有假期回上海老家休息，未料卻遇上扒手「打荷包」，機靈的他甫發現即以「九秒九」摩打腳成功追截到扒手，奪回銀包：「當時我個銀包放咗喺後褲袋，突然覺得褲袋輕了，一摸就知道畀人扒咗個銀包，咪即刻追上去，最後都追得番，攞番個銀包。」
外形俊朗的正曦，此行並沒有艷遇，反而之前曾經試過，他說：「試過有個女仔突然衝入卡拉OK房，攞起我部手提電話打畀自己，咁就攞咗我嘅電話號碼，之後我哋都有通電話，做咗朋友，不過就冇發展成為情侶。」
