千嬅有嘢睇嗌過癮

雖然千嬅已嫁作人婦，但未有為其演藝事業設下底線，一於咀戲、床戲照拍，貫徹其烈女性格。早前她與樂仔拍攝電影《志明與春嬌》，片中一場床戲更專程到時鐘酒店取景，對於有生以來首次光臨，兩人異口同聲表示「好過癮」，還大讚酒店配套做到足。

無人駕駛車

千嬅笑道：「入親去幫襯嘅都好鬼祟，酒店方面亦會幫客人遮車牌，但唔知點解啲客好似好驚畀人認出，行路永遠垂低頭，我哋就係咁望囉！哈哈！」樂仔則謂：「你見過『無人駕駛』未？喺嗰度走嘅客就會咁，一駛出門口就垂低頭，所以你只會見到架車自己行，係咪好搞笑先？」

　　既然到此一遊，兩人當然不會放過機會四圍參觀，除了取景的全鏡房之外，樂仔還走到有水床的房見識，問到觀後感，樂仔抵死謂：「畀我想像中乾淨，但係水床我真係唔敢親身體驗，萬一爆咗咁點算吖？」在旁的千嬅竟不明水床是甚麼，還不斷追問，令樂仔哭笑不得。

慘食二手煙

在片中不乏抽煙戲，對煙民樂仔可謂「易過食蔗」，不過原來有苦自己知，他透露拍攝時食煙數量驚人，幾乎一天抽十包香煙，為防中煙毒，樂仔決定拍攝之外時間暫時戒煙。至於平日零吸煙的千嬅，則謂：「自己氣管唔好，所以拍嗰時辛苦啲。」樂仔亦戥她辛苦說：「有時成班人係咁食，啲煙真係攻到對眼，千嬅就食晒啲二手煙，搞到佢係咁『扯蝦』囉!」

文：影視組

攝影：沈健程

場地：Nathan Hotel The Bali

（楊千嬅）

化妝：Ling Chan @ ZING the Makeup School

髮型：Vic Kwan @ Hair Culture

服裝：I.T

（余文樂）

化妝：Jenny Tziong

髮型：Ben Yeung @ Hair Corner