陳偉霆硬撼情敵黃曉明
陳偉霆（William）、麥浚龍等前晚為無綫節目《勁歌金曲》錄影，William透露曾因工作壓力懷疑有抑鬱症：「舊年又拍戲又唱歌，試過六十個鐘冇瞓，我諗點解仲未死？（會否介意同緋聞女友Angelababy合作？）唔會介意，（同緋聞情敵黃曉明呢？）合作機會唔大，不過工作還工作。」
麥浚龍則否認新歌《超生培慾》MV抄襲林俊傑MV：「我冇睇過，我從不抄襲，我同佢嘅風格唔同。（點答謝ＭＶ女主角蒼井空？）遲啲我去日本工作順道請佢食飯。（如果佢送AV作品畀你點處理？）欣然接受，但我未睇過佢作品。」
此外，秦沛前晚專誠捧一對仔女姜文杰及姜麗文場，姜文杰說：「爸爸第一次睇我哋做現場，我好緊張。」