鄧健泓擔心伯樂短訊慰問
身為無綫總經理的陳志雲雖然位高權重，但對藝人照顧有加。被陳志雲一手帶返無綫的鄧健泓，坦承非常擔心對方：「當然擔心啦，佢係我伯樂同師傅，當然擔心，希望佢冇事，總之自己工作如常。」對於「伯樂」陳志雲被捕，他說：「唔係好清楚，我都唔方便講，我冇打電話畀佢，但有SMS慰問。」問會否因此變成孤兒仔？他謂：「都唔係，我係TVB員工，工作係TVB安排，當年都係佢搵番我返TVB！」
另一愛將張繼聰對陳志雲被捕亦顯得煞有介事：「我有聽同事講過，不過牽涉入警方調查，我都係唔回應太多。」問會否影響在無綫的工作？他說：「唔會，始終我係靠自己努力，總之多謝咁多人提攜我。」至於崔建邦前女友唐詩詠表示對事件感愕然：「好擔心，最好回應方法就係唔回應！」