黎明gag神上身攞滿分

黎明前晚率領任賢齊、葉璇及導演林超賢等現身《火龍》MV首播禮，據悉大會曾將問答環節的問題給黎明過目，怎知他看罷笑笑口撕爛貓紙：「我哋舞台人唔需要呢啲嘢！」在旁的小齊聞言附和：「係囉，我哋識發揮。」

黐鬚黎明	葉璇在戲中走到氣咳。	左起：任賢齊、黎明與導演林超賢為火龍點睛。

「感覺自己好河馬」

結果黎明果然盡展「舞台人」功架， 自度問題問觀眾：「電影公司安排《火龍》四月一日上，究竟係愚人節玩觀眾定真嘅呢？」被抽中的觀眾信心十足地答：「愚人節，玩人！」黎明只好再選另一觀眾再問：「四月一日你去到戲院，戲院話冇《火龍》，你信唔信？」該觀眾終答對，並成功送出禮物，黎明即說：「呢啲咪問題囉！」

此外，黎明在台上亦有分享拍《火》片的點滴，他說：「戲中要黐鬚，但我絕無反感。（羨慕小齊靚仔look？）大家抽嘅籌唔同，呢啲嘢好似做娛樂圈咁，睇命運安排。據講今次啲鬚用河馬嘅某部分毛做成，我感覺自己好河馬！」

小齊唔敢聞「執」鬚

小齊即說：「Leon要黐鬚食嘢唔方便，我哋成日喺佢旁邊引佢。（啲鬚係河馬屁股毛？）接近啩，冇人答到真定假，我有問佢有冇味道？佢冇答，我冇聞過，怕陣味『冤冤哋』。」

葉璇表示戲中跟黎明有段隱晦的感情，她還要喪跑，又笑言黎明黐鬚後不靚仔，她只好盡力跑以免NG累街坊。活動完結後，黎明未有接受訪問，即火速趕回家。

文：影視組